 |
| أفضل المواقع لتحميل أكواد جاهزة مفتوحة المصدر |
مواقع لتحميل أكواد جاهزة مفتوحة المصدر سواء كنت مبرمج محترف أو مبتدئ
امسك البوست ده مينفعش يعدي منك لو كنت محترف برمجة أو لسه بادئ أو حتى لسه تتعلم، فـ انت كده تحتاج مجموعة من الأكواد الجاهزة اللي تختصر لك الوقت، أو اللي من خلالها تقدر تتعلم أداء مجموعة من المهمات اللي تحتاجها في طريقك للاحتراف، وكمان ستحتاجها في مشاريعك.
هنا بقي هقولك على أفضل مواقع تلاقي فيها أكواد جاهزة مفتوحة المصدر، وتفيدك جدًا:
أفضل المواقع لتحميل أكواد مفتوحة المصدر
1️⃣️ موقع Github:
موقع Github من المواقع الضخمة والكبيرة جدًا واللي بتجمع كتير من المبرمجين في مختلف مناطق العالم، وموقع قديم جدًا، وبيتيح للمبرمجين والمطورين مشاركة مشاريعهم الخاصة بمصدر مفتوح مع باقي الناس أو مع الناس اللي بتتابعهم على حسابهم، وموجود في الموقع آلاف المطورين والمبرمجين، وبيسمحلك تأخذ المشاريع اللي إنت عايزها، والأكواد الجاهزة للتعديل، وكمان محرر عشان تحرير الأكواد البرمجية من الموقع وتجربتها.
2️⃣️ موقع searchcode:
ده بقي من أهم المواقع بالنسبة لأعظم المبرمجين، لأنه بمحتوي على أكتر من 20 بليون سطر برمجي، وأكتر من 7 ملايين مشروع برمجي، وده أكتر من اللي انت ممكن تحتاجه أصلًا، وكمان الموقع مجاني فتقدر تأخد المشروع اللي إنت عايزه أو الكود اللي إنت عايزه براحتك.
أقرأ أيضا: تعلم لغات البرمجة مجانًا وأحصل على راتب خيالي
3️⃣️ موقع Open Hub:
موقع ضخم جدًا، تلاقي فيه كل اللي يخص الأكواد البرمجية، وأكتر من 30 بليون سطر برمجي مخصص ليك، وكمان يعتبر محرك بحث على الأكواد.
4️⃣️ موقع CodeProject :
لو بقي عايز مشاريع كاملة في كل اللغات البرمجية يبقى تلاقي طلبك في الموقع ده، ده موقع تابع لشركة مايكروسوفت خاص بالمبرمجين وفيه الآلاف من المطورين والمبرمجين من جميع أنحاء العالم، وكلهم يشاركوا أعمالهم ومشاريعهم على شكل ملفات مفتوحة المصدر، وتقدر تنسخ وتعدل عليها وكمان تطرح أسئلتك بكل سهولة.
أقرأ أيضا: تعلم البرمجة و انت في المنزل من خلال أجهزة الموبايل
5️⃣️ موقع Codota:
لو انت مطور تطبيقات أندرويد فده أفضل موقع ممكن تلاقيه، وتقدر تأخد أكواد التطبيقات وكل حاجة تحتاجها تخص تطبيقات الأندرويد من عليه، والموقع فيه طريقة احترافية للبحث عن أكواد مفتوحة المصدر.
6️⃣️ موقع CodePen.io:
لو انت بقي مصمم أو مبرمج ويب، الموقع ده سيفيدك جدًا، ده بقي موقع تواصل اجتماعي للمبرمجين ومصممي مواقع الويب بيسمحلك الموقع بكتابة الأكواد البرمجية وإدارتها وكمان مشاركتها مع غيرك، وكمان الاستفادة من تصميمات غيرك. والموقع كمان يحتوي على محرر أكواد، وكمان تقدر تحصل منه على تعليقات وتقييم لمشروعك على الموقع.
أقرأ أيضا: ماهي لغات البرمجة المستعملة في القرصنة الأخلاقية؟
7️⃣️ موقع CodeAnyWhere:
الموقع ده زي موقع CodePen بالضبط، بس ده نسخة مطورة واحترافية وبتميز بمجموعة من المميزات كتدعيمه للغات اللي بتعامل مع السيرفرات زي php و python و java . والموقع ده بيحتوى على أكتر من 350 مليون ملف من الأكواد مفتوحة المصدر، وبيسمحلك الحصول على الأكواد بكل سهولة، وكمان مشاركتها بطريقة احترافية.
أقرأ أيضا: أفضل مواقع اكواد جاهزة ومفتوحة المصدر
